“120 rroga, 0 përgjegjësi”, shoqëria civile sërish protestë para Kuvendit

Para fillimit të seancës së 38-të konstituive të Kuvendit të Kosovës, organizatat e shoqërisë civile organizuan sërish një performancë simbolike për të shprehur pakënaqësinë ndaj bllokimit të konstituimit të institucioneve.

Aktivistët, të mbledhur para hyrjes së Kuvendit, mbanin pankarta me mesazhe drejtuar klasës politike. “Boll!”, “Kur t’ju bëhet boll, kallxoni”, “Institucionet nuk janë për pazare”, ishin vetëm disa nga parullat që u panë në këtë protestë simbolike.

Që nga përfundimi i zgjedhjeve, Kuvendi i Kosovës nuk ka arritur të konstituohet, duke hyrë sot në përpjekjen e 38-të për të zgjedhur kryetarin e Kuvendit dhe për të formuar institucionet e reja.