Leotrim Kryeziu, merr besimin e FC Prishtina që të bartë shiritin e kapitenit në edicionin 2025/2026
Futbollisti nga Anamorava, saktësisht nga Rogana e Dardanës, që prej vitesh luan te FC Prishtina, ka marrë besimin e trajnerit dhe stafit që të bartë “barrën” e kapitenit.
Leotrimi është një nga futbollistët më Fer-pley në superligën e Kosovës, ndaj këto tipare që e karakterizojnë, si dhe performancat e mira dhe efikasiteti që ka dëshmuar te klubi nga kryeqyteti, kanë rezultuar me besimin e skuadres.
“Leotrim kryeziu, kapiteni i ri i FC Prishtina. Prej pesë vitesh pjesë e klubit, me 42 gola të realizuar i treti në histori, Leo tani merr përgjegjësinë si kapiten i ekipit”, shkruan faqja e FC Prishtina.
Po aty theksohet se qendërsulmuesi me përkushtim e profesionalizëm, do të udhëheq skuadrën në sezonin e ri.
