Seanca e parë gjyqësore përmes videolidhjes – I burgosuri në Gjilan, gjyqtarja në Prishtinë

Për herë të parë në vend është mbajtur një seancë gjyqësore përmes videolidhjes, një hap drejt modernizimit të sistemit të drejtësisë dhe atij korrektues në vend.

Sipas njoftimit, seanca u zhvillua sot në bashkëpunim mes Shërbimit Korrektues të Kosovës dhe Gjykatës Themelore në Prishtinë.

I burgosuri nga Qendra e Paraburgimit në Gjilan u paraqit përmes videolidhjes, ndërsa seancën e udhëhoqi gjyqtarja Fatime Dermaku nga ambientet e gjykatës në kryeqytet.

Sipas autoriteteve, përdorimi i videolidhjes synon të zvogëlojë nevojën për transport fizik të të burgosurve, duke rritur sigurinë, kursyer kohë dhe përmirësuar efikasitetin e procedurave gjyqësore.