Trump: Do ta zgjidhi sërish çështjen mes Kosovës dhe Serbisë
Presidenti i Shteteve të Bashkuara të Amerikës, Donald Trump, përmes një postimi në rrjetin “Truth” ka shkruar se do ta rregulloj sërish çështjen mes Kosovës dhe Serbisë.
Trump ka shkruar në rrjetin e tij Truth Social se ai e kishte ndaluar mundësinë e eskalimit të situatës drejt shpërthimit në luftë, derisa tha se ish-presidenti Joe Biden “e ka dëmtuar perspektiven afatgjate me disa vendime shumë të gabuara”.
“…Gjithashtu, gjatë mandatit tim të parë, Serbia dhe Kosova ishin në përplasje të ashpra, siç kanë qenë për dekada me radhë, dhe ky konflikt i vjetër ishte gati të shpërthente në LUFTË. Unë e ndalova! (Biden e ka dëmtuar perspektivën afatgjatë me disa vendime shumë të gabuara, por unë do ta rregulloj sërish!)”, ka shkruar Trump.
Ai ka deklaruar se Irani dhe Izraeli duhet dhe do të arrijnë marrëveshje, ndërsa ka përmendur edhe konflikte të tjera si ai mes Egjiptit dhe Etiopisë, ku tha se se për shkak të ndërhyrjes së tij, vendet janë në paqe.
Postimi i tij i plotë:
Irani dhe Izraeli duhet ta bëjnë një marrëveshje, dhe do ta bëjnë një marrëveshje, ashtu siç e bëra unë Indinë dhe Pakistanin të arrijnë një marrëveshje, në atë rast duke përdorur TREGTINË me Shtetet e Bashkuara për të sjellë arsye, kohezion dhe mendje të kthjellët në bisedimet me dy udhëheqës të shkëlqyer që ishin në gjendje të merrnin një vendim shpejt dhe të NDALOJNË!
Gjithashtu, gjatë mandatit tim të parë, Serbia dhe Kosova ishin duke e përshkallëzuar situatën me intensitet, siç kanë bërë për shumë dekada, dhe ky konflikt i vjetër ishte gati të shpërthente në LUFTË. Unë e ndalova (Biden e ka dëmtuar perspektivën afatgjatë me disa vendime shumë të marra, por unë do ta rregulloj, përsëri!).
Një tjetër rast është Egjipti dhe Etiopia, dhe lufta e tyre mbi një digë masive që po ndikon në lumin madhështor Nil.
Ka paqe, të paktën për tani, për shkak të ndërhyrjes sime, dhe do të mbetet kështu! Po ashtu, do të kemi PAQE, së shpejti, midis Izraelit dhe Iranit! Shumë thirrje dhe takime po ndodhin tani. Bëj shumë, dhe nuk marr kurrë meritë për asgjë, por s’ka problem, POPULLI e kupton. TA BËJMË LINDJEN E MESME TË MADHE PËRSËRI!”.
