Pesë të vrarë nga sulmi në një shkollë në Austri
Të paktën pesë persona janë vrarë si pasojë e sulmit në një shkollë në qytetin austriak të Grazit dhe disa të tjerë janë lënduar, ka raportuar tabloidi austriak “Kronen Zeitung” të martën.
Bazuar në raportimet e deritanishme, dorasi ka qenë një nxënës, i cili besohet se ka vrarë veten pas aktit.
Policia ka njoftuar se një operacion është në zhvillim e sipër në rrugën Dreierschuetzengasse, porse ka refuzuar të ofrojë komente shtesë.
Në këto momente, policia është duke i evakuuar të gjithë personat që ndodhen brenda ndërtesës.
