Rekord Historik | “Babë e bijë” nga Peja hyjnë triumfalisht në Librin e Rekordeve Guinness
Është zyrtarizuar se Mrika dhe Arianit Nikçi janë përfshirë në Librin e Rekordeve Guinness për ngjitjen më të shpejtë të shtatë majave më të larta të kontinenteve, të njohura si Seven Summits, si babë e bijë. Ata përfunduan këtë sfidë për 1 vit e 202 ditë, nga 25 janar 2018 deri më 15 gusht 2019.
Ky rekord botëror pasqyron suksesin e jashtëzakonshëm të alpinistëve shqiptarë, të cilët ngjitën majat Everest, Aconcagua, Denali, Kilimanjaro, Elbrus, Carstensz Pyramid dhe Vinson Massif. Mrika Nikçi është bërë femra më e re që ka ngjitur të gjitha këto maja, ndërsa Arianit Nikçi luajti rolin e udhëheqësit dhe të babait të përkushtuar.
“Kjo është një mirënjohje për të gjithë ata që besuan në rrugëtimin tonë, dhe një mesazh për të rinjtë: vendosmëria dhe pasioni tejkalojnë çdo kufi,” u shpreh Mrika. Arianiti shtoi: “Ky nuk është thjesht një sukses personal, por një vlerësim për Kosovën dhe gjithë kombin shqiptar. Jemi krenarë që kemi ngritur lart flamurin tonë në shtatë majat më të larta të shtatë kontinenteve – dhe tashmë edhe në historinë e rekordeve botërore,” shkruan Telegrafi, transmeton Veriu.info.
/Ju lutem pëlqeni faqën dhe qëndroni të informuar!
