Shkruan: Izmi Zeka – Çka po ndodhë me specializimet për mjekët e Gjilanit?
Çka është ka ndodh me specializimet për mjekët nga Gjilani që janë përjashtuar tërësisht në konkursin e fundit
Në konkursin e fundit të shpallur nga Ministria e Shëndetësisë për specializime të mjekëve edhe kësaj here komuna e Gjilanit u përjashtua sikur të mos ishte në hartën e Kosovës.
Shkruan: Izmi Zeka
Spitali i Gjilanit edhe tani por brenda pak viteve do të mbetët pa kuadro të profilizuara për shkak edhe të moshës që e kanë , kështu që shumica e reparteve do të mbyllen për mungesë të specialistëve.
Nga një numër i madh i kandidatë që kanë aplikuar për specializime si Dr. Valdrina Musliu – Islami, Dr. Blerina Miftari – Maliqi. Dr. Liridona Kastrati, Dr. Leotrim Kurteshi, Dr. Arbër Jerliu, Dr. Dashnim Ajvazi, Dr. Laureat Jerliu, Dr. Rinor Canaj e Dr. Sevim Demiri e të tjerë u injoruan nga komisione ministrore kështu që nuk pati vend për asnjë mjek për të vazhduar specializimin në lëmi të caktuar.
Kjo qasje ndaj mjekëve të Gjilanit si qendër regjionale dhe jo vetëm kaq i ngjanë injorimit dhe diskualifikimit të qëllimshëm që u bëhet njerëzve profesionist që duan të kontribuojnë për mjekësinë Gjilanase duke ua pamundësuar komisionet brenda Ministrisë së Shëndetësisë që të vazhdojnë specializimin në Kosovë.
Kjo mënyrë dhe ky veprim i detyron mjekët që të marrin rrugë tjera dhe të kërkojnë alternativa për perspektivën e tyre.
Kur sot kemi ikje masive te mjekëve, kjo që po ndodh veç sa i detyron të marrin rrugë jashtë Kosovës.
Si është e mundur që nga një numër i madh i aplikantëve për specializime të mos pranohet asnjë mjek i Gjilanit.
Në këtë kontekst duhet të reagojnë institucionet komunale e jo të heshtin përball padrejtësisë që u bëhet mjekëve Gjilanas duke ua pamundësuar ngritjen dhe përgatitjen e mëtutjeshme që Gjilanasit kanë nevojë.
Nesër spitali regjional i Gjilanit, shumicën e reparteve do të detyrohen ti mbyllin e qytetarët të vrapojnë për shëndetin e tyre ku të munden.
