LSHK-së dhe Lidhja e Shkrimtarëve të Shqipërise, dega Kukës – organizojnë festivalin “Drini Poetik”
Lidhja e Shkrimtarëve e Kosovës dhe Lidhja e Shkrimtarëve dhe e Artistëve e Republikës së Shqipërisë – Dega e Kukësit, më 9 e 10 qershor 2025, organizojnë festivalin ndërkombëtar tradicional të poezisë DRINI POETIK në Prishtinë-Prizren-Kukës, që sivjet mbahet për të gjashtëmbëdhjetën herë me radhë.
Tradicionalisht organizohet në shenjë të Lidhjes Shqiptare të Prizrenit.
Në sesionin letrar “Figura e Skënderbeut në poezinë e sotme shqipe” (në shenjë të 620-vjetorit të lindjes së Gjergj Kastriotit – Skënderbeut) pritet të paraqiten kumtesa me këtë temë nga 10-25 maj 2025, në adresën: lshk2012@yahoo.com, nga të cilat disa zgjidhen për t’u paraqitur në sesion dhe disa të tjera për botim në revistën letrare “Metafora”.
Kumtesat për lexim të konceptohen në tri faqe me nga tridhjetë rreshta.
