Zdrukthëtari nga Tërnoci, me 5 ekspozita individuale në “CV”, ftohet në një ekspozitë kolektive nga Shoqata “Gjergj Kastrioti” në Zvicër
Me ftesë të shoqatës ,”Gjergj Kastrioti” në Zvicër dhe me mbështetjen e Komunës së Bujanocit, më 18 maj, Nagip Tashi do të jetë pjesëmarrës në ekspozitën “Gjergji në art”, e cila organizohet për nderë të 620-vjetorit të lindjes së Kryeheroit, Gjergj Kastrioti – Skënderbeu.
Zdrukthëtarí Tashi, që njihet si mjeshtër i përkushtuar i punimit të lëndës së drurit për orendi, ka paralajmëruar pjesëmarrjen në këtë ngjarje, ndërsa është mirëpritur nga shoqata në fjalë.
Në një postim në Facebook, Shoqata “Gjergj Kastrioti“, e ka falënderuar përzemërsisht Tashin, që paraprakisht ka konfirmuar pjesëmarrjen.
Vet Nagip Tashi, në një postim në rrjete sociale ka përshkruajtur afinitetet personale që e kanë karakterizuar si artist/krijues në skulpturë, kryesisht me materiale të drurit.
“Jam Nagip Tashi nga Tërrnoci, Komuna e Bujanocit. Me profesion jam zdrukthëtar. Pasioni im është arti e në veçanti teknika mozaik në copa druri. Kam realizuar mbi 50 figura kombëtare të sferave të ndryshme si: veprimtarë, artistë, humanistë e politikanë, duke filluar nga Gjergj Kastrioti Skënderbeu, Bekim Fehmiu, Ibrahim Rugova e deri tek portretet e fundit, Shtjefën Gjeçovi e Mirush Kabashi”.
“Përgjatë 15-vite krijimtarie artistike kam realizuar pesë ekspozita personale në të gjitha trojet shqiptare, Kosovë, Shqipëri, Maqedoni e Veriut e Diasporë”, ka pë rfunduar ai.
