Drejtori Sportiv i SC Gjilani, Ertan Demiri jep dorëheqje

Ertan Demiri edhe zyrtarisht ka dhënë dorëheqje nga posti i drejtorit sportiv tek Gjilani.

Demiri thotë se po jep dorëheqje morale, pas rezultateve të dobëta të fundit. Ai falënderoi të gjithë në klub për bashkëpunimin, teksa i uroi fat klubit.

Ja njoftimi i tij në Facebook:

“Dorëheqje morale!
Të nderuar miq dhe dashamirë të futbollit, në veçanti e nderuara kryesi e klubit SC Gjilani, tifozë, përkrahës dhe mbështetës të klubit. Pas një viti angazhim në postin e drejtorit sportiv – kur përjetuam shumë momente gëzimi, por edhe sfida në ndërtimin dhe hapërimin e klubit drejt përmbushjes së synimeve tona – për shkak të rezultateve të fundit kam vendosur të jap dorëheqje. Këtë ia kam kuptuar edhe kryetarit të klubit, z. Fatlum Pirevës në takimin e mbrëmshëm.
Mbi të gjitha e falënderoj Zotin e pastaj presidencën e klubit për mbështetjen dhe bashkëpunimin në drejtimin e këtij klubi të madh me tifozeri të jashtëzakonshme.
Ndaj bindjen se me këtë kryetar dhe me këtë tifozëri, SC Gjilani ka para vetes një të ardhme të artë!
Njashtu besoj se puna ime do të japë frytet në të ardhmen dhe do të ngelë një shtyllë shtesë drejt suksesit të klubit”, shkruhet në njoftim.