Kryetari i Komunës së Gjilanit, Alban Hyseni, thotë se ka siguruar buxhetin – 20 milionë euro, për projektin e Bulevardit të Qytetit
Në një postim në rrjete sociale, përmes një video incizimi, Hyseni ka thënë se ky projekt do të jetë më i madhi ndonjëherë i realizuar në komunën e Gjilanit, shkruan Tv Gjilani.
Kryetari hyseni madje ka vënë theksin te votimi i buxhetit komunal nga Kuvendi i Komunës kohë më parë, i cili u arrit pas një periudhe të gjatë, ndonese me akuza e kundërakuza nga pozita e opozita, ndërsa pikërisht projekti i bulevardit që parashihte një kosto rreth 3 milionë euro për vitin 2025 kalendarik, ishte refuzuar për t’u votuar nga opozita, e cila përbën shumicën nw Kuvendi Komunal.
Ky është teksti integral i video/incizimit në të cilin kryetari Hyseni “me zë të lartë” thotë se Bulevdardi do të realizohet pasi është gjetur buxheti investues sikurse që janë edhe procedurat tjera.
Ja teksti integral i deklaratës së kryetarit Hyseni në Video/xhirim
Hyseni: “A ju kujtohet një projekt shumë i madh kur u votu buxheti, i cili u hjek? – Bulevardi!
Narratori: “Keni kërku me hjeek… Ndërtimi i projektit të integruar të Bulevardit të Qytetit”
Hyseni: 20 milionë euro. Investimi më i madh ndonjëherë në Gjilan. – Po Bohet! – Kena gjetë edhe buxhetin edhe i kena fillu procedurat. Ky është projekti. – Qe një vit maketën tu e mbajtë këtu, pooo, ma në fund po realizohet.
Megjithatë, në video nuk specifikohet e as qartësohet përafërsisht nëse mjetet do janë premtuar nga Qeveria e Kosovës apo donatorë të huaj, porse një gjë është më se e qartë; kjo cështje besohet se do të prodhojë debate të ndryshme gjithandej skenës publike në Gjilan e gjetiu.
