Real Madridi eliminon Atleticon përmes penalltive, në çerekfinale takohet me Arsenalin
Real Madridi ka kaluar në çerekfinale të Ligës së Kampionëve, pasi eliminoi Atletico Madridin vetëm pas ekzekutimit të penalltive, pasi koha e rregullt dhe vazhdimet nuk sollën fitues.
Fillimisht, Los Cholchoneros e nisën shumë mirë ndeshje, duke shënuar pas vetëm 27 sekondash.
Ishte Rodrigo de Paul, ai që e gjeti Conor Gallagherin brenda zonës së Los Blancos, me anglezin që realizoi për 1-0.
Ndeshja shkoi në një ritëm më të lartë, me dy skuadrat që po luajnë për çdo top.
Por, në minutën e 20-të, djali i trajnerit Diego Simeone mund të ishte shkaktari për barazimin e shifrave.
Nga një harkim prej Vinicius Junior, topi u ndal nga dora e Giulianos, mirëpo gjyqtari Szymon Marciniak në bashkëpunim me VAR-in sinjalizoi se nuk kishte të bënte me penallti.
Pesë minuta më vonë, Julian Alvarez testoi Thibaut Courtoisin, por belgu ishte shumë i vëmendshëm.
Loja vazhdoi me ritëm të lartë, por që faza defanzive e të dyja ekipeve nuk lejonin shumë hapësira.
Në 45 minutat e dytë nuk kishte gola, por që kishte një penallti dhe shumë raste të humbura.
Vendasit sërish e nisën më me vrull, duke synuar të shënonin golin që ua siguronte kalimin në çerekfinale.
Julian Alavrez dhe Clement Lenglet dështuan të shënonin nga afërsia në minutat e parë të pjesës së dytë.
Ishte pikërisht Lenglet që më pas shkaktoi penallti, duke e rrëzuar Kylian Mbappe në minutën e 68-të në zonën e rreptësisë.
Por, nga pika e bardhë, Vinicius (70’) Junior dështoi ta mposhte Jan Oblakun, duke e goditur topin mbi portë.
Kështu, dy skuadrat nuk ia dolën të bënin më shumë, duke bërë që ndeshja të shkojë dy herë nga 15 minuta.
As dy herë nga 15 minuta nuk sollën rezultat, me lojtarët e dy ekipeve që nuk treguan shumë, duke bërë që ndeshja të shkonte në penallti.
Real Madridi kishte shumë fat, pasi Atletico Madridi kishte një penallti të anuluar dhe një të huqur.
Atletico Madrid: O, Julian Alvarez preku topin dy here dhe anulohet penalltia (X), O, X.
Real Madridi: O, O, O, X, O.
