Drita merr një fitore drejt titullit ndaj Ballkanit – diferenca mes dy ekipeve 13 pikë
Drita ka shënuar fitore me rezultat 2-0 në shtëpi ndaj Ballkanit në kuadër të javës së 24-të në elitën e futbollit kosovar.
Pjesa e parë u zhvillua kryesisht me duele në mesfushë, por pa prodhuar në ndonjë rast aksion të rrezikshëm për gol.
Gjërat për Ballkanin u vështirësuan në pjesën e dytë kur në minutën e 64-të mbetën me një lojtar më pak në fushë pas përjashtimit të Gentrit Halilit.
Pas këtij momenti Drita e shfrytëzoi avantazhin numerik në fushë, duke filluar sulmet në drejtim të portës së Ballkanit.
Po luhej minuta e 77-të e takimit kur Veton Tusha bëri një gjuajtje e cila kaloi nëpërmjet një grumbulli lojtarësh dhe në fund përfundoi në portë për 1-0.
Për të vulosur përfundimisht fitoren e Dritës u përkujdes Kastriot Selmani i cili në minutën e 89-të për rezultatin 2-0.
Pas kësaj fitoreje Drita shkon në kuotën e 53 pikëve të grumbulluara, ndërsa Ballkani numëron 38 sosh.
