Kryetari Hyseni e kryeministri Kurti, inspektuan punimet e ndërtimit të Stacionit të ri të Autobusëve në Gjilan
Kryetari i Komunës së Gjilanit, Alban Hyseni, bashkë me kryeministrin e Kosovës, Albin Kurtin dhe deputetë e zyrtarë të tjerë nga institucionet qendrore e lokale, kanë parë nga afër punimet të cilat po zhvillohen për ndërtimin e Stacionit të Autobusëve në Gjilan.
Kryetari i Alban Hyseni, e njoftoi kryeministrin Kurti për projektin e ndërtimit të Stacionit të ri të Autobusëve në Gjilan.
“Ky është një projekt madhor që do të shtrihet në një sipërfaqe prej 2,000 metra katrorë, i cili do të përmirësojë transportin publik dhe kushte më të mira për qytetarët”, tha kryetari Alban Hyseni.
Ndërsa kryeministri i Kosovës Albin Kurti, tha se panë nga afër punimet që kanë nisur për ndërtimin e Stacionit të ri të Autobusëve në Gjilan, i cili do të ketë një hapësirë të gjithmbarshme prej 2,000 metra katror.
Ai tregoi se ky projekt është investim në vlerë prej 1 milion euro dhe është bashkëfinancim i Komunës së Gjilanit dhe Ministrisë së Administrimit të Pushtetit Lokal.
