Trump pritet ta bëjë anglishten gjuhë zyrtare të Shteteve të Bashkuara
Presidenti Trump pritet të nënshkruajë një urdhër ekzekutiv për ta bërë anglishten gjuhën zyrtare të Shteteve të Bashkuara, duke shfuqizuar politikat që kërkojnë që agjencitë federale të ofrojnë ndihmë gjuhësore për jo-anglishtfolësit.
Urdhëri argumenton se bërja e anglishtes gjuhë zyrtare do të bashkojë SHBA-në, duke thënë se rreth 180 vende kanë një gjuhë zyrtare dhe se ndërsa në SHBA fliten mbi 350 gjuhë, anglishtja është më e përdorura.
“Agjencitë do të kenë fleksibilitet për të vendosur se si dhe kur të ofrojnë shërbime në gjuhë të tjera përveç anglishtes për t’i shërbyer më së miri popullit amerikan dhe për të përmbushur misionin e tyre të agjencisë”, shkruhet në një fletë të dhënash mbi urdhrin.
