Haziri falënderon bashkëvendësit për pjesëmarrje në fushatë zgjedhore, paralajmëron “rikthimin e madh të LDK-së”
Kreu i degës së LDK-së në Gjilan, njëherit nënkryetar i parë i LDK-së në nivel qëndror, Lutfi Haziri, ka adresuar një letër falënderimi për të gjithë bashkëvendësit gjilanas, të cilët i ka falënderuar për pjesëmarrje në fushatën elektorale të LDK-së në Gjilan, për Zgjedhjet Nacionale 2025”, shkruan TV Gjilani.
“Bashkëvendas të dashur: Ju falënderoj pafund që ishit pjesë e fushatës elektorale në Gjilan, që erdhët në manifestime për ta dëgjuar programin e për t’i dhënë LDK-së dashni”, ka shkruar fillimisht Haziri.
Neë adresimin e tij kreu I degës së LDK-së, Lutfi Haziri ka shfaqur kënaqësinë e njëherit krenarinë për sic ka thënë, rrugëtimin e përbashkët për rikthimin e LDK-së.
“Jemi krenarë që së bashku tashmë në Gjilan kemi filluar rrugën tonë për rikthimin e madh të LDK-së.
Ky është veç fillimi i këtij procesi e na pret shumë punë e angazhim bashkë deri në vjeshtë, për t’i dhënë Gjilanit formë, besim, shpresë e dashni”, ka shtuar më tej Haziri.
Në fund të adresimit të tij, Haziri ka nënvizuar se LDK pret zbardhjen e emrave të deputetëve që do ta përfaqësojnë këtë subject në parlament, duke u zotuar për punë e angazhim permanent për rikthimin e dashnisë së qytetarëve.
“Asgjë nuk ndryshon tek ne sepse Gjilanin e duam pa kusht. Do të mbetem gjithmonë, Luta Juaj!:, ka shkruar Haziri në profilin e tij në facebook, shkruan TV Gjilani.
