Fillon ndërtimi i fushës së sportit në shkollën “Agim Ramadani” në Zhegër

Nxënësit e Shkollës Fillore dhe të Mesme të Ulët “Agim Ramadani” në Zhegër do të bëhen me fushë sportive.

Kjo po bëhet me qëllim të përmirësimit të cilësisë së jetës shkollore dhe krijimit të hapësirave të përshtatshme për aktivitete fizike dhe sportive

Në fillimin e punimeve, ishin edhe kryetari i Komunës së Gjilanit Alban Hyseni, nënkryetarja Leonora Morina Bunjaku, drejtorë e zyrtarë komunalë, drejtori i shkollës, kryetari i Bashkësisë Lokale dhe të tjerë.

Kryetari i Komunës së Gjilanit Alban Hyseni, tha se në Shkollën Fillore dhe të Mesme të Ulët “Agim Ramadani” në Zhegër ka filluar ndërtimi i një fushe sportive moderne të jashtme, e cila do t’u ofrojë nxënësve hapësira të përshtatshme për aktivitete fizike dhe sportive.

“Ky projekt ka për qëllim përmirësimin e cilësisë së jetës shkollore, duke promovuar një stil jetese të shëndetshëm dhe duke nxitur zhvillimin e bashkëpunimit mes nxënësve”, tha Alban Hyseni.

I pari i Gjilanit, tregoi se fusha e re do të ndikojë pozitivisht jo vetëm tek nxënësit, por edhe tek komuniteti, duke e kthyer atë në një pikë referimi për aktivitete sportive dhe sociale në zonë.