Hapet zyrtarisht Manifestimi i 34-të i “Flakës së Janarit” – Nënë Stane ndez Flakadanin e Flakës 2025
Me aktivitete të ngjeshura u shënua dita e parë e hapjes së manifestimit “Flaka e Janarit 2025” nga Komuna e Gjilanit, për të kulmuar në orët e pasditës me hapjen zyrtare, gjegjësisht ceremoninë simbolike të ndezjes së Flakadanit të Flakës.
Para teatrit fillimisht u bë ndezja e flakadanëve nga 34 të rinjë gjilanas, të cilët defiluan paraprakisht përmes sheshit të qytetit deri tek platoje, duke përçuar kësisoji mesazhin e rëndësisë së lirisë që simbolizon vet manifestimi si i tillë në nderim të dëshmorëve, ndërsa kjo ngjarje u pasua me ndezjen e flakadanëve në Platonë e Teatrit, për të qëndruar aty e ndezur gjatë 20 ditëve të ardhshme, deri në mbyllje të edicionit të 34-të e radhë më 31 janar.
E për ta madhështuar këtë aktivitet ishte përkujdesur stafi organizues i Komunës së Gjilant me mysafiren e veçantë të ftuar, Nënë Stanen, kontributi i së cilës ka qenë i madh gjatë periudhës së luftës së UCK-së.
E vet Nënë Stane ishte e shkurtër por e thuktë dhe domethënëse në fjalën e rastit para të pranishmëve.
“Jam shumë e lumur që kam pasur mundësi në atë periudhë t’u japë bukë e ujë e çka kam pasur djemëve të Ushtrisë Clirimtare të Kosovës”, u shpreh ajo e entusiazmuar me vlerësimin që i është bërë në mënyrë institucionale për kontributit gjatë luftës.
Deklarata e saj e shkurtër, përmbajtësore e domethënëse pati efekt të mënjëhershmë tek të pranishmët, të ciët e pritën me admirim e duartrokitje të gjata.
Kontributin e çmuar e të jashtëzakonshëm të Nënë Stanes në rrethanat e luftës e vlerësoi lart vet kryetari Alban Hyseni, i cili në fjalën e tij vuri theksin tek përkushtimi institucional për të nderuar figurën e saj, duke potencuar se Komuna e Gjilanit është kujdesur që në shenjë mirënjohje e nderimi të organizoj “Akademinë e Flakës …”.
“Kemi një mysafire të veçantë në këtë ceremoni të Flakës 2025”, Nënën Stane… Për nderë të saj Komuna e Gjilanit ka parapa të organizoj edhe Akademinë e Flakës. Nëna Stane është një heroinë e gjallë, e cila bashkë me gjithë familjen e saj ka dhënë kontribut jashtëzakonisht të madh në luftën tonë çlirimtare, në mbështetjen e ushtarëve të UCK-së, e bashkë me djemtë e saj edhe direktë në luftë”, tha kryetari Hyseni.
Në mesin e mysafirëve të shumtë në ceremoninë e “Flakadanit të Flakës 2025”, ishte edhe Prof Zefi nga kleri fetar, i cili vuri në dukje rëndësinë e manifestimit të përvitshëm të “Flakës së Janarit”, për të cilin tha se përçon mesazhin e lirisë gjithandej trojeve etnike.
Aktivitetet e parapara të manifestimit “Flaka e Janarit 2025”, do të vazhdojnë më 12 janar me tryezën kushtuar 80-vjetorit të masakrës së Gjilanit, të organizuar nga Shoqata e Historianëve të Gjilanit, me fillim në ora 11:00 në resorin Vali Ranch.
