Stafi i Fakultetit Ekonomik organizuan takim pune për hartimin e RVV të Programit Master Analiza Ekonomike dhe Politika Zhvillimore
Stafi i Fakultetit Ekonomik të Universitetit Publik “Kadri Zeka” ka mbajtur një takim të rëndësishëm të grupit punues, i udhëhequr nga dekani i fakultetit, Prof. Asoc. Dr. Xhevat Sopi.
Ky grup punues është angazhuar në hartimin e Raportit të Vetëvlerësimit (RVV) për programin master Analiza Ekonomike dhe Politika Zhvillimore (MCS).
Raporti është një dokument i rëndësishëm që pasqyron përmbushjen e standardeve akademike dhe cilësinë e këtij programi studimor. RVV-ja tashmë është miratuar nga Këshilli Shtetëror i Cilësisë, duke konfirmuar angazhimin dhe përkushtimin e Fakultetit Ekonomik për përmirësimin e vazhdueshëm të cilësisë në arsimin e lartë.
Në këtë takim u diskutuan detajet për finalizimin e dokumentit dhe u përcaktuan hapat e mëtejshëm për zbatimin e rekomandimeve dhe përmirësimin e mëtutjeshëm të programit. Fakulteti Ekonomik vazhdon të dëshmojë përkushtim ndaj krijimit të programeve akademike që plotësojnë nevojat e tregut të punës dhe zhvillimit ekonomik të vendit.
Fakulteti Ekonomik dhe Universiteti “Kadri Zeka” falënderojnë të gjithë anëtarët e grupit punues për angazhimin e tyre profesional dhe kontributin e çmuar në këtë proces të rëndësishëm.
