Pajaziti pret zv/Ambasadorin e SHBA-së
Kryetari i komunës së Bujanocit, Arbër Pajaziti, ka pritur në takim zv/Ambasadorin e SHBA në Serbi, Aleksander Titolo.
Për rrjedhën e takimit, Pajaziti është pronocuar përmes Facebookut.
Postimi i tij:
Një takim miqësor me zëvendës Ambasadorin e SHBA-së në Serbi, Alexander Titolo, dhe bashkëpunëtorët e tij.
Shtjelluam shumë tema që i përkasin zhvillimeve politike, ekonomike dhe sociale në komunën tonë dhe më gjërë.
U pajtuam se stabiliteti politik në Bujanoc është çelës i zhvillimit të sferave tjera shoqërore.
Ndava shqetësimin me çështjet preokopuese, siç është pasivizimi, mosnjohja e diplomave, integrimi, etj.
Mysafirët nga Ambasada na siguruan se Bujanoci ka trajtim të veçantë në agjendën e tyre dhe se është njëra ndër komunat më mike në këtë vend.
Andaj, morëm garanca se do të vazhojë mbështetja në projekte të ndryshme që kanë rëndësi për komunitetin.
Nga ana jonë shprehëm falenderime për angazhimet e deritanishme të këtij shteti duke theksuar domosdoshmërinë e vazhdimit të kësaj praktike.
Si përfundim, shpalosëm disa ide që të nesërmen mund të realizohen, si rezultat i të cilave komuna jonë do të kishte dobi të panumërta.
