Gjilan: Ka ndërruar jetë prof. NEBI Latifi
Një lajm i trishtë ka pllakosur qytetin e Gjilanit. Ka ndërruar jetë Prof. Nebi Latifi, ish pedagog e profesor për rreth 40 vite me radhë.
Lajmin e ka publikuar familja e profesorit të ndjerë.
NJOFTIM MORTOR
Me zemër të thyer njoftojmë familjarët, shokët, miqtë dhe dashamirët se sot më datë 16 Tetor 2024 ndërroi jetë babi ynë prof. Nebi Latifi.
Varrimi i të ndjerit bëhet sot me datë 16 tetor në varrezat e Kmetocit pas Ikindis në ora 17:00.
Gjithmonë do të jesh në mesin tonë babi.
BIOGRAFIA E NEBI LATIFI SI PEDAGOG
Nebi Latifi lindi më 18 prill 1955 në Kmetoc. Shkollën fillore e mbaroi në Kmetoc dhe në Përlepnicë. Gjimnazin e mbaroi në Gjilan kurse Fakultetin e Kimisë në Universitetin e Prishtinës. Punën si mësimdhënës e ka filluar në vitin 1983 në Gjimnazin e Kamenicës deri në vitin 1986. Nga ai vit filloi te punoj në shkollën teknike dhe në disa orë edhe në Gjimnazin e Gjilanit dhe në shkollën e Arbërisë.
