Gagica, kritika të ashpra pozitës dhe opozitës në Gjilan: ““Dikush thoit e dikush patkoit” – Gjilani akoma pa buhet 2025”
Kreu i degës së AAKsë në gjilan, Nazim Gagica ka adresuar kritika të ashpra në drejtim të spektrit politik në Kuvendin e Komunës së Gjilanit.
Ai ka kritikuar ashpër të dy kampet: pozitë dhe opozitë, për mos miratimin/vonimin e miratimit të buxhetit 2025.
Ai ka kritikuar qeverinë komunale, gjegjëissht kryetarin Hyseni, duke thënë se nuk e ka hallin e bixhetit, projektet apo shërbimet ndaj qytetarëve, pasi sipas tij, “kjo situatë më së shumti i konvenon atij ngase ai e din mirë sa milion euro i kanë mbetë të pashfrytëzuara në fillimin e vitit 2024, e po ashtu e din mirë që me këtë menaxhim dhe udhëheqje edhe një miliard euro me ia bartë, nuk i bënë punë sepse për shfrytëzimin e këtyre mjeteve për zhvillimin e projekteve, i kanë mbetur më pas se shtatë muaj”.
E në anën tjetër, Gagica u shpreh tejet kritik edhe ndaj opozitës, të cilën e ftoi “të luaj rol konstruktiv, monitorues e këshillues sa i përket buxhetit, t’i jep një mundësi të pashpresë ekzekutivit për shfrytëzimin e tij në raport të drejtë me kërkesat dhe nevojat e qytetarëve dhe pa kushtëzime, se planifikimi, menaxhimi dhe pergjegjësia për buxhetin bie tek pozita sepse një pjesë e opozitës mandatin për planifikim buxhetor e kemi humbur me 24 dhjetor 2021, e pjesa tjetër e opozitës me 31 maj 2023”.
POSTIMI I PLOTË i kreut të degës së AAK-së në Gjilan, Nazim Gagica
Dikush thonit e dikush patkoit, por Gjilani mbetet akoma pa buxhet të miratuar për vitin 2025.
Pozitë e opozitë, lojërat leni anash tani, sepse buxheti nuk është para e juaja por taksë të cilën e paguajnë qytetarët tanë të përgjegjshëm e të ndershëm.
Qytetari duhet ta ketë parasysh se as ekzekutivi i Alban Hysenit e as legjislativi në Kuvendin Komunal në Gjilan, në esencë po del që nuk e kanë seriozisht miratimin e buxhetit komunal, sepse termi buxhet më tepër po përdoret për mbulesë të dështimeve e viktimizim të skajshëm nga i pari i Gjilanit, në njërën anë, dhe në anën tjetër tendenca për të marrë primatin ose rolin e shpëtimtarit nga shumica në Kuvend.
Alban Hyseni nuk e ka hallin e buxhetit, projekteve apo shërbimin ndaj qytetarëve sepse kjo situatë më së shumti i konvenon atij ngase ai e din mirë sa milion euro i kanë mbetë të pashfrytëzuara në fillimin e vitit 2024, e po ashtu e din mirë që me këtë menaxhim dhe udhëheqje edhe një miliard euro me ia bartë, nuk i bënë punë sepse për shfrytëzimin e këtyre mjeteve për zhvillimin e projekteve, i kanë mbetur më pas se shtatë muaj.
Në anën tjetër, opozita të luaj rol konstruktiv, monitorues e këshillues sa i përket buxhetit, t’i jep një mundësi të pashpresë ekzekutivit për shfrytëzimin e tij në raport të drejtë me kërkesat dhe nevojat e qytetarëve dhe pa kushtëzime, se planifikimi, menaxhimi dhe pergjegjësia për buxhetin bie tek pozita sepse një pjesë e opozitës mandatin për planifikim buxhetor e kemi humbur me 24 dhjetor 2021, e pjesa tjetër e opozitës me 31 maj 2023.
Aleanca ka qenë dhe do të mbetet konstruktive dhe gardiane e interesit të qytetarëve të Gjilanit, ata të cilët më së shumti dëmtohet nga katrahura që e ka sjellë ekzekutivi i Gjilanit. Do të jemi në krah të interesit të Gjilanit dhe qytetarëve sa herë të jetë nevoja dhe në çdo kohë kur ka seriozitet dhe konstruktivitet.
