Një çerek shekulli punë me lexues dhe për lexues në Bibliotekën e qytetit ,,Fan S.Noli”në Gjilan
Shaban Rexhepi, mbushi plot një çerek shekulli në shërbim të lexuesve në Bibliotekën e Qytetit “Fan S. Noli” në Gjilan.
Angazhimi i tij gjatë kësaj periudhe ka qenë tërësisht i veçantë, duke u qëndruar pranë e pranë me këshilla lexuesve të të gjitha moshave, porse raporti i tij me fëmijë ishte tërësisht ndryshe. Kjo sepse pjesën më të madhe të angazhimit të tij në këtë institucion e kaloi në shërbim të lexuesve të pasionuar në sektorin për fëmijë.
Përkushtimi i tij në shërbim të lexuesve gjatë kësaj periudhe vërtetë ishte model dhe shembull nga më të mirët që i ka ndodhur kësaj biblioteke, ndwrsa gatishmëria për t’i këshilluar lexuesit e vegjël; durimi e entusiazmi për t’i orientuar; vullneti për t’i furnizuar me libra adekuat, ishin vetëm disa nga vetitë që e spikasnin personalitetin e tij në shërbim të lexuesve, aktivitete ato që njëherit kanë qenë prore pjesë e punës përditshme të Shaban Rexhepit në Bibliotekën “Fan S. Noli në Gjilan – sektori për fëmijë.
Pa dyshim se përkushtimi i z. Shaban Rexhepi ka qenë fare natyral e me vullnet të përhershëm, dhe si i tillë është vlerësuar shumë herë me mirënjohje e falënderime institucionale.
Por, mbi të gjitha, shpërblimi më i mirë që i është bërë ka qenë mirënjohja që ka marrë nga lexuesit e vegjël, në syçkat e të cilëve ka lexuar admirimin për të e besimin e përzgjedhjes së propozimeve të lektyrave adekuate, sikurse titujve tjerë që kanë korrespoduar me moshat përkatëse!
