Edhe një mundësi për Gresa Bakraçi, ajo garon sot përsëri në Olimpiadën e Parisit
Atletes Gresa Bakraçi, sikurse edhe gjithë të tjerave të pakualifikuara në disiplinën e 800 metrave, iu ka dhënë mundësia e dytë për të garuar sërish të shtunën.
Federata Botërore e Atletikës për herë të parë iu ka dhënë mundësinë e dytë për kualifikim garueseve përmes rregullit të quajtur ‘repasazh’, i cili po zbatohet për në Lojërat Olimpike “Paris 2024”, njofton Komiteti Olimpik i Kosovës.
Të gjitha garueset e pakualifikuara janë ndarë në katër grupe.
Të parat në çdo grup dhe dy me kohën më të shpejtë prej të gjitha grupeve, iu bashkohen sot 14 atleteve të kualifikuara mbrëmë në gjysmëfinale.
Garat e ‘repasazhit’ apo raundit të dytë, nisin sot në ora 11:20.
