PDK dërgon sot në Kushtetuese ligjin për KPM-në dhe KPK-në
Kryetari i Grupit Parlamentar të PDK-së, Abelard Tahiri, sot rreth orës 15:00, do të dorëzojë në Gjykatën Kushtetuese tri raste të pretenduara të shkeljes kushtetuese nga pushteti aktual i udhëhequr nga Lëvizja Vetëvendosje.
Fjala është për ligjin për Komisionin e Pavarur të Mediave, dhe ndryshimet në ligjin për Këshillin Prokurorial të Kosovës, të miratuara në Kuvend me votat e VV-së, javën që shkoi përkundër kritikave të BE-së dhe Këshillit të Evropës për përmbajtjen e këtyre ligjeve, raporton gazeta online Reporteri.net.
Po ashtu, partia më e madhe opozitare ka paralajmëruar se në Gjykatën Kushtetuese do ta dërgojë edhe ndryshimet në statutin e Universitetit të Prishtinës, që sipas PDK-së bashkë me dy ligjet e lartë përmendura përbëjnë shkelje kushtetuese dhe cenojnë pavarësinë institucionale dhe lirinë e medias.
Pas dorëzimit të këtyre tri lëndëve në Gjykatën Kushtetuese, kryetari i Grupit Parlamebtar Abelard Tahiri ka paralajmëruar konferencë për media në ora 15:00.
