Ndërroi jetë Tahir Demi, personalitet i cmuar në Gjilan
Në moshën 63-vjeçare ka ndërruar jetë Tahir Demi, emër i njohur në fushën e gastronomisë.
“Me dhembje të thellë ju njoftojmë që me datën 15. 07. 2024, në moshën 63-vjeçare, ndërroi jetë baba jonë Tahir Ukshin Demi. Varrimi i të ndjerit bëhet më datë 16.07.2024 me namazin e drekës”, thuhet në njoftimin e familjarëve.
Lajmin për ikjen në botën e amshuar të Tahir Demit, e kanë përjetuar me dhembje të madhe edhe kolegët nga Resorti “Vali Ranch”.
“Me dhimbje të madhe përjetuam lajmin për vdekjen e mikut dhe kolegut tonë Shef.Tahir Demi. Tahiri ishte ndër të rrallët që arritëm ta njohim duke dhënë kontribut të madh në fushën e Gastronomisë në vendin tonë”, thuhet në një njoftim të Vali Ranch Resort.
Mungesa e tij nuk do të ndihet vetëm në familje, por te të gjithë ata që patën fatin e mirë ta njohin.
Njerëz të tille vijnë rrallë në këtë jetë, për qëllime vetëm pozitive dhe kontribut të jashtëzakonshëm.
Veprat e tij do të rrojnë mes gjeneratave.
Ngushëllimet më të sinqerta familjes, miqve dhe kolegëve te ti!
