Kampionët e parë të programit “Sport në Shkolla” në shah
Ka përfunduar me ndeshjet finale faza e parë e programit “Sport në Shkolla” në shah.
Në Qendrën për Arsim dhe Këshillim Profesional “Gjon Nikollë Kazazi” në Gjakovë u mbajtën garat Republikane dhe pjesëmarrës ishin 96 nxënës të 16 shkollave, klasat 1-5, vajza dhe djem.
Pas shumë ndeshjeve të zhvilluara fitues u shpallën nxënësit e shkollës fillore “Lidhja e Prizrenit” në Deçan. Vendi i dytë i takoi shkollës fillore “Dëshmorët e Zhurit” në Zhur, ndërkaq në vendin e tretë u radhit shkolla fillore “Bedri Gjinaj” në Mitrovicë.
Për 16 shkollat pjesëmarrëse u ndanë mirënjohje, ndërsa medaljet dhe kupa u ndanë nga krerët e Federatës së Sportit Shkollor dhe Federatës së Shahut.
“Sport në Shkolla” është zbatuar në 21 komuna të Kosovës. Në 16 shkolla nxënësit e nivelit 1-5 janë duke mësuar sportin e shahut, kurse në 14 shkolla nxënësit e nivelit 6-9 kanë mësuar sportin e basketbollit.
