Viti: – Kryetari Haliti i uron maturantët, “suksese në test dhe në rrugëtimin e tyre tutje”
Sot mbahet testi i maturës për nxënësit maturantë edh në Komunën e Vitisë, sikurse në të gjitha shkollat e Kosovës.
Me këtë rast krue i Komunë së Vitisë Sokol Haliti ka uruar maturantët e kësaj komune që të dalin sa më të suksesshëm.
“Të dashur nxënës dhe nxënëse të komunës së Vitisë: – Në prag të testit të maturës shtetërore që do të mbahet sot, dëshiroj të ju uroj të gjithë juve maturantëve suksese dhe rezultate sa më të larta. Nga këto rezultate varet e ardhmja e juaj dhe e vendit tonë”, ka shkruar Haliti.
“Tani ka ardhur koha që ju të tregoni dijen e marrë dhe të vazhdoni rrugëtimin tuaj profesional. Vendi ynë ka nevojë për njerëz të arsimuar dhe me përgatitje të lartë profesionale, për të çuar përpara edhe shumë procese dhe që të krijojmë mirëqenie për të gjithë qytetarët tanë. Prandaj, jepni forcë dhe vullnet vetës suaj dhe tregoni diturinë e fituar me plotë përkushtim”, ka përfduar ai.
