Pesë gola në gjashtë ndeshje, Mirlind Daku konfirmon formën e lartë që po kalon
Mirlind Daku nuk ndalet dhe po vazhdon me gola në elitën e futbollit rus, ku kësaj radhe shënoi ndaj Sochit.
Sulmuesi nga Gjilani ka gjetur golin e radhës duke konfirmuar formën mjaft të mirë që po kalon përpara fillimit të Euro 2024.
26-vjeçari tundi rrjetën kundërshtare falë një goditje të saktë në zonë. Mirlind Daku shënoi në minutën e 22-të duke zhbllokuar takimin duke kaluar ekipin e tij në avantazh.
Ky është goli i 10-të sezonal në kampionatin rus për sulmuesin dardan që ka edhe katër asistime, duke qenë golashënuesi më i mirë i skuadrës së tij.
Moment shumë pozitiv për Dakun, i cili ka shënuar pesë gola në gjashtë sfidat e fundit me Rubin Kazan.
