Reagojnë “Skifterat”, i quajnë spekulime e të pasakta lajmet për largimin e trajnerit të SC Gjilani Gentijan Mezani
Tifo Grupi “Skifterat”, ka reaguar përmes faqes së saj në rrjete sociale lidhur me lajmet që po qarkullojnë e që ndërlidhen me kontratën e bashkëpunimit të SC Gjilani me trajnerin Gentijan Mezani.
“Skifterat” i cilësojnë të pasakta lajmet për kinse largimin e tij, Mezanit, duke iu referuar publikimeve të akëcilit gazetarë apo media ku janë lakuar emra që do ta zëvendësojnë Mezanin, duke pretenduar se të njejtit janë shumë afër arritjes së marrëveshjes më klubin, SC Gjilani.
“Me shqetësim po ndjekim lansimin e informacioneve të pasakta nga gazetarë sportivë, të cilët në kurriz të klubit tonë të zemrës mundohen të paraqesin ekskluzivitetin e tyre!”, shkruan SC Gjilani.
Më tej theksohet se lajmi se treneri Mezani ka përfunduar rrugëtimin e tij me klubin, dhe se dikush tjetër është emëruar, nuk është asgjë tjetër përveq se një lajm me tendencë për të ‘turbulluar’ atmosferën para ndeshjes së fundit kampionale dhe vendimtare për nga rëndësia e mbetjes në superligë!
“Përkundër dëshirave tuaja dashakeqe, edhe kur të ikën një ditë, Mezani do të vazhdon të jetë pjesë e familjes sonë përherë, iu pëlqeu apo jo, ai do të mbetet ikonë e proceseve dhe rrugëtimeve më të vështira që bashkarisht i rrugëtuam!”, thuhet më tej në reagim.
Gjilani dhe Skifterat janë dhe do të mbeten përherë familja dhe shtëpia e dytë për Mezanin!, përfundon reagimi nga “Skifterat”.
