Kamenicë: Policia ia konfiskoi përkohësisht automjetin “Kombi”, e kishte të konfiskuar patent shoferin
Gjilan, 03 maj 2024 – Njësitet patrulluese nga stacioni i Policisë në Kamenicë gjatë një kontrolli rutinë në fshatin Hodonoc, bazuar në ligjin e ri të trafikut, kanë ndalur një automjet me targa vendore, (“Kombi”), dhe gjatë kontrollit është vërtetuar se vozitësi shqiptar shtetas i Kosovës drejtonte mjetin e tij edhe pse kishte ndalesë të drejtimit të mjetit si masë mbrojtëse.
Të njëjtit sipas nenit 246 konform ligjit për rregullat në trafikun rrugor 08/L-186 paragrafi 5 i është shqiptuar gjoba në vlerë prej pesëqind (500) euro, gjashtë (6) pikë negative dhe masën e përkohshme të ndalim vozitjes së mjetit motorike edhe për pesë (5) muaj si dhe i është konfiskuar automjeti.
Drejtoria rajonale e Policisë në Gjilan, apelon vozitësit që ti respektojnë normat dhe ligjet e trafikut rrugor, po ashtu inkurajon mediat dhe qytetarët që për të gjitha kundërvajtjet që mund të shkaktohen në komunikacion të njoftojnë Stacionin më të afërm të policisë, apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kundestarë:192; 0385045047001.
Të dhënat e juaja do të ruhen ne konfidencialitet të plotë.
