FC Drita mbetet pa një anëtar pas shtatë vitesh bashkëpunimi

Dritës së Gjilanit i largohet pas shtatë vjetësh një anëtar. Bëhet fjalë për Leutrim Kërqelin, që te Drita ka shërbyer në stafin mjekësor. 

Ai ka falënderuar drejtuesit e klubit për mundësinë dhe bashkëpunimin.

“Faleminderoj Presidentat, Flamur Bunjakun, Valon Murselin, drejtorat, Feti Murselin, Valon Zymberin, Ilaz Shkodra, Menaxherat e klubit, Jetmir Salihu, Fatos Ramadanin dhe dua të shpreh mirënjohjen time më të thellë për këtë eksperiencë të pa harruar për të githa momentet, sfidat dhe arritjet që kemi përjetuar së bashku, ju falenderoj nga zemra”, ka shkruar ai.

“Në këto 7 vite, kemi kaluar shumë sprova dhe sfida së bashku, por kemi arritur të krijojmë një mjedis të punës pozitiv dhe të përkushtuar, ku mirëqenia, shëndeti i futbollistëve dhe profesionalizmi kanë qenë gjithmonë në qendër të vëmendjes. Puna jonë ka pasur ndikim të madh në paraqitjen dhe shëndetin e lojtarëve dhe për këtë jam i lumtur. Është një përvojë që nuk do ta harroj kurrë dhe që më ka dhënë shumë kujtime të bukura dhe mësime të çmuara”, ka shkruar ndër të tjera Kërqeli në profilin e tij në Facebook.