Franco Foda e nis me fitore aventurën te Kosova, ‘Dardanët’ mposhtin Armeninë
Kosova ka shënuar fitore me rezultat minimal 1-0 në miqësoren ndaj Armenisë e cila u zhvillua në Yerevan, dhe ishte e para për përzgjedhësin gjerman Franco Foda në krye të ‘Dardanëve’.
Kosova pati iniciativën në pjesën e parë, duke organizuar disa aksione të mira dhe në fund ato përpjekje u shpërblyen me gol.
Milot Rashica (25’) shënoi për 1-0 pasi fillimisht Edon Zhegrova godet traversën dhe nga topi i kthyer Rashica e çoi topin në rrjetë.
Milot Rashica’s goal to put us ahead! 🦅
— Kosovar Football 🇽🇰 (@kosovarfootball) March 22, 2024
Fantastic play from Edon Zhegrova!
🇽🇰 Kosovo 1-0 Armenia 🇦🇲 #ARMKOS 🇦🇲🇽🇰
pic.twitter.com/bKBIbK9t3x
Dardanët’ patën edhe një mundësi të mirë shënimi kur Edon Zhegrovën dhe Milot Rashicën para fundit të pjesës së parë, por nuk arritën ta gjejnë golin.
Kosova shfaqi dominimin e plotë edhe në fraksionin e dytë të ndeshjes, duke rrezikuar në disa raste seriozisht portën e Armenisë, por duke mos arritur të gjejnë golin.
Leart Paqarada (52’) bëri një krosim të mrekulleshëm në zonë për Vedat Muriqin i cili nga afërsia nuk arriti të shënojë me kokë.
Vetëm tre minuta më vonë lojtari vendas Hovhannisyan (55’) e largoi topin nga vija e portës duke evituar autogolin dhe golin e dytë të Kosovës.
Mundësia më e artë për gol në këtë ndeshje i takoi Rashicës, i cili në minutën e 66-të nuk u tregua i saktë ballë për ballë me portierin.
Deri në përfundim të ndeshjes Kosova e menaxhoi mirë epërsinë e krijuar në pjesën e parë duke marrë fitoren e parë nën drejtimin e Franco Fodës.
Kosova do të rikthehet në aksion përsëri ditën e martë, ku për kundërshtar do ta ketë Hungarinë.
