Punëtorët e KRU Hidromorava të hënën në grevë një orëshe!
Sipas një njoftimi për media, të adresuar përmes postës elektronike, mësohet se punëtorët e KRU Hidromorava do të bëjnë grevë një orëshe ditën e hënë, më 12 shkurt 2024.
Ndonëse nuk specifikohen arsyet e grevës, mësohet se ajo do të mbahet brenda lokaleve të kompanisë së ujësjellësit rajonal “Hidromorava” në Gjilan, për c’gjë tanimë janë njoftuar mediat lokale.
TV Gjilani merr vesh nga burime meiale se greva organizohet nga sindikata e punëtorëve me arsyetimin se u është premtuar paga e 13-të, pas performancës pozitive, e cila nuk ka ndodhur!
“Kemi pasur premtimin se në rast se kompania do të arrinte të arkëtonte mbi 10% të borxheve të vjetra apo 800.000 €, punëtorët do të shpërbleheshin me rrogën e 13-të. Edhe pse kompania ka shënuar performancë pozitive, duke arritur një arkëtim mbi 100% në vitin 2023, kërkesat e punëtorëve nuk janë plotesuar. Edhe pse të gjitha kompanitë e Ujësjellësit i kanë stimuluar për fundvit punëtorët e tyre, Kompania “Hidromorava” nuk i ka stimuluar punëtorët”, thuhet në njoftim.
Ky është njoftimi, si në vijim, i adresuar tek mediat
Njoftim për grevën që do të mbahet
Të nderuar,
Ju njoftojmë se me datën 12.02.2024 punëtorët e Kompanisë Hidromorova në Gjilan kanë për të mbajtur grevë njëorëshe, e cila do të jetë nga ora 08:00 deri 09:00, greva do të mbahet në zyret e Kompanisë Hidromorava Gjilan.
