Donat Rudhani transferohet tek skuadra e Lausanne
Futbollisti i kombëtares së Kosovës, Donat Rudhani është transferuar tek skuadra e Lausanne në formë të huazimit deri në fund të sezonit.
Lajmi është bërë i ditur nga faqja zyrtare e Laussane në rrjetin social Facebook.
“Reprezentuesi kosovar, Donat Rrudhani i bashkohet FC Lausanne-Sport në formë huazimi deri në fund të sezonit nga BSC Young Boys”, thuhet në njoftim.
Këtë sezon, ai ka luajtur 13 ndeshje me Young Boys, duke përfshirë 9 paraqitje në Superligë, 1 në Ligën e Kampionëve dhe 3 në Kupën e Zvicrës, ku ka shënuar edhe dy gola.
