Në Gjimnazin “Zenel Hajdini” Gjilan fillon mësimi kabinetik

Pas një angazhimi dinamik, përgatitjeve të vazhdueshme, në shkollën “Zenel Hajdini”, fillon mësimi kabinetik.

Ky angazhim i ri po bëhet me qëllim të ngritjes së nivelit edukativ, e në veçanti të atij arsimor, në shërbim të ngritjes së cilësisë në mësimdhënie dhe mësimnxënie.

Mësimi vazhdon të jetë i organizuar në dy ndërrime me nga 14 paralele, në dispozicion të të cilave janë vënë 23 kabinete që posedon shkolla.

Në secilin kabinet janë të vendosur projektorë, kamera mësimi, llaptopë për secilën paralele, banka e karrige të mjaftueshme për mbarëvajtjen e këtij procesi.

Kjo nismë, ndër të parat e të gjitha shkollave të komunës së Gjilanit, është mirëpritur nga prindërit, nxënësit dhe mësimdhënësit.

Drejtori i shkollës Jeton Rexhepi pohon se menaxhmenti i shkollës ka analizuar që nga fillimi i vitit modalitetet, janë bërë takime informuese me Këshillin e Nxënësve, me Këshillin e Mësimdhënësve dhe në veçanti është diskutuar me KDSH – në e shkollës për të gjitha aspektet organizative, gjë që u dëshmua me fillim të suksesshëm e pa asnjë dilemë nga të gjithë akterët pjesëmarrës në shkollë.

Shpresojmë që me këtë formë të punës të arrijmë rezultatet e dëshiruara!