Tetori Rosë në Spitalin e Përgjithshëm në Gjilan: “Sot nesër e gjithmonë të kujdesshëm për shëndetin”
Në kuadër të organizimit dhe planifikimit të temave profesionale për edukimin të vazhdueshëm profesional të udhëhequra nga drejtori mjekesor Dr. Ruzhdi Kadriu, si dhe mjekët e radiologjisë Dr. Luljeta Gashi, Dr. Burim Ukshini në SPGJ prezantuan temën “Mamografia”.
Mamografia është metodë e veçantë imazherike që përdorë rrezatim jonizues të dozes së ulët për të ekzaminuar gjinjët.
Ekzaminimi mamografik, apo mamografia, ndihmon në detektimin dhe diagnostikimin e sëmundjeve të gjirit, u tha në prezantim.
Drejtori ekzekutiv, Dr. Arsim Emini falënderoi stafin dhe udhëheqësit e Radiologjisë për punë dhe organizimin e bërë vecanërisht në ofrimin e shërbimit të mamografisë përgjat muajit tetor dhe muajve të tjerë.
Drejtoresha e Infermierisë Msc. Vlora Shalaj falënderoi stafin infermieror dhe motrën kryesore, Lulije Zeqiri, për organizim e shërbimit të mamografisë, duke iu shërbyer të gjithë pacientëve, thuhet në njoftimin publik të këtij institucioni, shkruan TV Gjilani.
