Bujanoc: Këshilli Kombëtar Shqiptar paralajmëron aksion simbolik para gjykatës, arsyeja – injorimi i kuadrove vendore
Përmes një aksioni simbolik para gjykatës në Bujanoc, pritet që Këshilli Kombëtar Shqiptar me seli në këtë qytet, të përcoj mesazhin që kuadrot vendore të të dy komuniteteve, si shqiptarë ashtu edhe serbë, po injorohen, pasi po sillen kuadro nga qytetete tjera të Serbisë, gjegjësisht nga Vranja e Surdulica.
Kështu ka shkruar nw faqen e tij Nevzad Lutfiu, kryetar i Këshillit Kombëtar i Shqiptarëve në Luginë të Preshevës.
“Aksion simbolik para Gjyakatës në Bujanoc. – Sipas informacioneve tona, në këtë Gjykatë do të sistemohet një gjykatëse nga Surdulica, e cila për ta ushtruar profesionin e saj i duhet t’i bëj 105 km në ditë, ndërsa kuadrot shqiptare të vendit janë refuzuar”, thuhet në njoftim.
Një rast i ngjashëm ka ndodhur edhe në komunën e Preshevës, thekson Lutfiu po aty, duke iu referuar informatave tjera.
“Në Gjykatën për Kundërvajtje në Preshevë do të sistemohet një gjykatëse nga Vranja, e cila për ta ushtruar profesionin e saj i duhet t’i bëj 96 km në ditë, ndërsa kuadrot nga Presheva u refuzuan”, thuhet në njoftim.
Aty theksohet se këto aksione duhet të mbështeten edhe nga qytetarët serbë, pasi sipas njoftimit, në ato institucione po vijnë e pranohen kuadro nga qytete të tjera, ndërsa kuadrot vendëse po refuzohen.
Në fund të njoftimit thuhet se Serbia nuk po i respekton marrëveshjet e nënshkruara, nuk po i respekton ligjet e veta dhe nuk po i zbaton detyrimet që ka marrë nga kapitulli 23 për integrim në Bashkimin Evropian.
