SC Gjilani del me komunikatë zyrtare: Derbi Gjilani – Drita zhvillohet në Lipjan
E derbin gjilanas mes Dritës dhe Gjilanit do të zhvillohet të dielën në Lipjan, ndërsa drejtësinë do ta ndajë Erdall Zasella me Fatmir Sekiraqën dhe Altin Zhegrovën si anësorë.
FFK ka publikuar orarin e paraparë për ndeshjet e javës së 8-të në Albi Mall Superligën e kosovës në Futboll, ku spikatë derbi lokal GJilani – Drita.
Pasi është njoftuar se derbi do të zhvillohet në Lipjan, pa tifozëritë e organizuara, SC Gjilani ka dalur me një Komunikatë për media në të cilën është thënë:
“Sport Club Gjilani ka pranuar zyrtarisht komunikimin nga Federata e Futbollit e Kosovës për zhvillimin e ndeshjes së xhiros së tetë në “Albi Mall” Superligë ndaj kundërshtarit FC Drita (Referuar më poshtë si klubi nikoqir).Lokacioni për zhvillimin e takimit është caktuar stadiumi “Sami Kelmendi” në Lipjan, ndërkohë që me kërkesë të klubit nikoqir është vendosur që në stadium të jetë prezent vetëm një grupim i tifozërisë dhe në këtë rast është ndaluar prezenca e tifozëve në mënyrë të organizuar, të cilët do jenë në mbështetje të klubit të Gjilanit. Ftojmë gjithë mbështetësit e klubit, në veçanti grupimin “Skifterat” të mos veprojnë në afeksion, por të vazhdojnë mbështetjen dhe përkrahjen e ekipit edhe në format tjera, përveç asaj fizike në stadium. Ne, do të vazhdojmë të mbetemi prapa politikave për afrimin e tifozëve më afër klubit, sepse mbështetja e tyre është e domosdoshme në të gjitha format”, thuhet në njoftim.
