Gjilan: arrestohet i dyshuari për shantazh
Policia e Kosovës ka arrestuar të dyshuarin e dytë në Gjilan për shantazh ndaj viktimës kosovare.
Viktima kishte raportuar se po shantazhohet nga disa persona në rrjetet sociale për publikimin e disa videove të saj me përmbajte intime.
“Njësiti i hetimeve rajonale të Policisë në Gjilan pas veprimeve të shpejta hetimore operacionale, mirë të organizuara me datën 22. 09. 2023 ka identifikuar dhe arrestuar të dyshuarin R.G. (viti i lindjes 1993, mashkull kosovar shqiptar) ndërsa i dyshuari i dytë ishte vënë në kërkim policor.
Me datën 25. 09. 2023 është arritur që të lokalizohet dhe arrestohet edhe i dyshuari i dytë L. R. (viti i lindjes 1993, mashkull kosovar shqiptar)”, njofton policia.
Rasti do të procesohet në Prokurorinë Themelore.
