Mbrëmë u hap PriFest – Festivali Ndërkombëtar i Filmit në Prishtinë, që këtë vit po shënon edicionin e 15-të.
Hapja e festivalit u bë me filmin “Toka Brenda Meje” nga Fisnik Maxville.
Qendra Kinematografike e kosovës ka nënshkruar një marrëveshje bashkëpunimi me festivalin, në disa aktivitete që do ta përcjellin si të tillë, ndërsa i kushton vëmendje të posaçme krijimtarisë artistike nga produksioni vendor.
Shih për këtë, faqja zyrtare e QKK-së njofton se në hapje ishte e pranishme drejtorja dhe gjithë stafi i QKK-së.
“PriFest është festival i rëndësishëm për industrinë e filmit kosovar, pasi që përveç që sjell kualitetin kinematografik botëror në ekranet e Prishtinës, gjithashtu ndihmon në kultivimin e kinematografisë vendore duke ndihmuar filmbërësit të marrin fillimet e mbara në projektet e mëdha filmike të cilat shpesh po përfundojnë në festivalet më të mëdha botërore”, shkruan kjo faqe e institucionit kryesorë të prodhimeve artistike-skenike-kinematografike në vend.
