Mbahet Festivali Kombëtar “Muza poetike Budiane”, në Burrel – mat
Për të shtatën herë në Burrel – Mat u mbajt festivali kombëtar “Muza poetike budiane” me një shtrirje të gjerë kombëtare, duke përfshirë edhe diasporën, njofton Lidhja e Shkrtimtarëve të Kosovës, shkruan Tv Gjilani.
“Një organizim shumë i mirë nga bartësi i veprimtarisë, që është përkrahur nga struktura të ndryshme shoqërore, që mund të ishte dhe një shembull për veprimtaritë e këtij niveli. Në skenën e festivalit u parqitën pothuajse të gjitha punimet konkurruese, disa nga të cilat u nderuan me çmime letrare nga juria dhe disa të tjera nga Kryesia e KL “Pjetër Budi”, thuhet në njoftimin e publikuar nga LKSH.
“Pjesëmarrja e gjerë qe dëshmi e integrimit kombëtar e kulturor dhe e angazhimit vetëmohues të shkrimtarit e kryetarit të “Pjetër Budit”, z. Hamdi Hysuka. Kurorat me lule – në nderim të emrit të madh të kombit, Pjetër Budi”, thuhet më tej në njoftim.
Shoqërimi i poezive me pika muzikore artistike dhe interpretimet muzikore sollën në skenë atmosferë të këndshme. Pra, ishin kushte për veprimtari dinjitoze siç qe dinjitoz dhe festivali kombëtar, “Muza poetike budiane”, përfundon njoftimi nga LKSH.
