Gjilan: Përgatitjet për vitin e ri shkollor 2023/2024 – Hyseni: “Na pret një shtator ndryshe”
Kreu i Komunës së Gjilanit Alban Hyseni, ka vizituarr disa institucione arsimore në Gjilan, si nga ato të nivelit fillor ashtu edhe atij parashkollor, me ç’rast ka potencuar se viti i ri shkollor 2023/2024, do të filloj me kushte më të mira për mësim.
Ai ka njoftuar edhe lidhur për punimet që janë duke u zhvilluar në disa institucione shkollore, përfshirë “Selami Hallaçi” e ”Abaz Ajeti”, si dhe çerdhen “Integj”, ku tha se janë duke u zhvilluar një sërë punimesh gjatë kësaj periudhe të pushimeve verore.
“Jemi në përfundim e sipër të rinovimeve rrënjësore në shkollën më të madhe të qytetit “Selami Hallaçi”, shkollën fillore “Abaz Ajeti” dhe çerdhen “Integj”, ka shkruar mes tjerash në faqen e tij Hyseni, duke numëruar një varg të gjatë punimesh që janë duke u zhvilluar nëpër shkolla ose që pritet të fillojnë.
