Disa persona kanë ngelur të plagosur nga të shtëna me armë të premten rreth orës 00:00, në qendër të Prishtinës, në kafiterinë Bonvivant.
Sipas burimeve nga vendi i ngjarjes, zënka që ka ndodhur në mes të dy grupeve, ka filluar jashtë lokalit, e që është bartur më pas brenda në lokal, ku edhe është shtënë me armë zjarri.
Nga të shtënat me armë raportohet të kenë ngelur të plagosur disa persona, ndërsa një prej tyre në gjendje të rëndë. Dëshmitarët kanë parë teksa ndihma e shpejtë të ketë marrë të plagosurit për t’i dërguar në trajtim.
Policia ka bllokuar komplet zonën, duke përfshirë edhe rrugën Luan Haradinaj.
Për rastin është deklaruar edhe Policia e Kosovës përmes një njoftimi:
Rreth orës 23:30, është raportuar për të shtëna me armë zjarri në një lokal në rrugën “Rexhep Luci” në Prishtinë.
Policia menjëherë ka dalë në vendin e ngjarjes dhe nga informacionet e para dyshohet se disa persona kanë marrë plagë nga arma e zjarrit apo edhe nga fragmente qelqi.
Ndërkohë që të lënduarit janë dërguar për trajtimin e nevojshëm mjekësor, policia po vijon punën me veprime të ekzaminimit të vendngjarjes si dhe me veprime të tjera operativo-hetimore .
ktualisht së paku dy të dyshuar janë identifikuar si të implikuar në rast, përderisa po punohet edhe për identifikimin e të dyshuarve të tjerë të mundshëm.
