Ansamble të ndryshme nga Amerika e Europa në Gjilan, në Festivalin “N’Karadak krisin tupanat”
Qyteti i Gjilanit ka qenë nikoqir i Festivalit Internacional të folklorit, vallëzimit dhe riteve, të prezantuar nga ansamble jashtëzakonisht cilësore me pjesëmarrëse nga vende të ndryshme të botës.
Në fakt Festivali “N’Karadak krisin tupanat”, i organizuar nga CIOFF, ka qenë tërësisht ‘ndryshe’ i ideuar e konceptuar, i paparë më parë në ambientet tona me prurje të këtij lloji, i cili përveç nga Kosova e Shqipwria, para artdashësve gjilanas ka sjellur ansamble nga Republika e Çekisw, Qipro Veriore, Maqedonia e Veriut, Panamaja e Meksiko etj.
E numri i shikuesve pjesmarrës ka qenë i kënaqshëm, ndërsa prezantimet e ansambleve pjesëmarrëse është bërë para platosë së teatrit të Qytetit.
Në emër të nikoqirit organizues të festivalit, Arsim Abazi, njëherit drejtor i festivalit si dhe përfaqësues për Kosovë nga Organizata ndërkombëtare për Organizimin e festivaleve Folklorike dhe Artit tradicional – CIOFF, si partnere e UNESCO-s, festivali është organizuar nga SKKOFF Kosova.
“Festivali International folklore “Ffestival Dance And Rites “N’Karadak Krisin Tupanat” organizohet nga SKKOFF Kosova – Seksioni Kombëtar i Kosovës për Festivale Folklorike dhe Art Tradicional, e cila vepron nën ombrellën e CIOFF”, ka thënë Abazi.
Abazi ka bërë të ditur se në kuadër të këtij edicioni të festivalit “N’Karadak krisin tupanat” është mbajtur një tryezë debatuese me pjesëmarrje të përfaqësuesve nga shtetet anëtare të CIOFF si dhe UNESCO, ku është diskutuar për Trashëgiminë Shpirtërore, gjegjësisht instrumentet e vjetra e tradicionale”.
Sipas organizatorit, festivali si i tillë do të vazhdojë me rrjedhën sipas kalendarit të paraparë edhe në ditët në vijim, për t’u prezantuar para artdashësve në Viti, në kuadër të aktiviteteve të kësaj komune për nderë të bashkëatdhetarëve që po qëndrojnë në vendlindje për pushime.
