Gjilan: Dy persona e bëjnë për spital një 42-vjeçar, viktima dërgohet në gjendje të rëndë për trajtim mjekësor
Mosmarrëveshjet mes qytetarëve shpesh herë përcillen me ofendime e kërcënime ndaj njëri-tjetrit. Madje nuk janë të rralla rastet kur ato shpërthejnë në dhunë, duke u përleshur fizikisht mes vete.
Një ngjarje e rëndë ka ndodhur dje në një shitore në Gjilan, ku dy persona dyshohet se kanë sulmuar fizikisht një tjetër.
Sic bëhet e ditur, bërë me dije njësitë policore kanë kapur në flagrancë personat e përfshirë në rast, ku të dyshuarit janë arrestuar, ndërsa viktima është dërguar me urgjencë në spital.
Mëson poashtu se pas ekzaminimeve mjekësore, është konstatuar se 42-vjeçari ka marrë lëndime të rënda trupore dhe është hospitalizuar për trajtim të mëtutjeshëm nën përkujdesjen e stafit shëndetësor.
Të dyshuarit janë shoqëruar në stacion policor, ku janë intervistuar lidhur me rastin.
Pas përfundimit të procedurave policore, Prokurori i Shtetit ka nxjerrë aktvendim që të dyshuarve t’u caktohet masa e ndalimit policor nën dyshimet për kryerjen e veprës penale ‘Lëndim i rëndë trupor’.
