Policia – Gjilan, komunikatë: – Së bashku mund t’ia dalim për një të ardhme më të sigurt!
Gjilan, 18 Korrik 2023 – Policia e Kosovës, Drejtoria Rajonale e Policisë – Gjilan, njësiti i policisë në komunitet nga Stacioni Policor – Gjilan, sot më datë 18 korrik 2023, kanë vazhduar me aktivitetet vetëdijësuese.
Qëllimi kryesor i këtyre aktiviteteve është promovimi i partneritetit Polici-Qytetar në aspektin e sigurisë në sezonin veror kur kemi rritje të fluksit të lëvizjeve.
Gjatë këtij organizimi në qendër të qytetit të Gjilanit, zyrtarë policor kanë shpërndarë fletëpalosje qytetarëve të rastit. Muajt korrik dhe gusht janë muaj ku rrugët janë më të ngarkuara me trafik andaj drejtuesit e makinave u bëhet thirre në kujdes gjatë ngasjes së automjeteve dhe respektimi i normave ligjore.
Gjatë dasmave dhe ahengjeve të festohet me zemër jo me armë, po ashtu mos lejoni që fëmijët tuaj të kacavaren në dritare të automjeteve gjersa jeni në lëvizje me automjet.
Temperaturat e larta krijojnë kushte potenciale për përhapje të zjarreve, andaj të gjithë të jemi të vëmendshëm që në as një formë mos të lejojmë ndezjen e zjarreve në hapësira të hapura si ara livadhe dhe male.
