“Kamenica Summer Fest”, një verë plot emocione
Në Kamenicë, sivjet për herë të parë organizohet ngjarja kulturore “Kamenica Summer Fest”.
Ky aktivitet, i cili do të fillojë nga data 9 korrik, sipas njoftimit nga komuna e këtushme, do ta gjallërojë verën edhe më shumë në Kamenicë.
“Për ju adhurues të librit, artit, fotografisë, filmit, komedisë, muzikës, hiking-ut, lojrave të ndryshme, këtë verë mund t’i krijoni momentet tuaja më të bukura duke marr pjesë në “Kamenica Summer Fest”.
Përjetoni adrenalinë, krijoni miqësi, e mbi të gjitha vizitoni një vend ku bashkëjetesa ndërmjet tri komuniteteve është shembull për vendet tjera”, thuhet në njoftim.
