“Hulku i Kosovës” thyen rekordin “Guiness” – mban 1531 kilogram mbi trup për 5 sekonda
Bujar Muli, i njohur si “Hulku i Kosovës”, ka thyer rekordin botëror për peshën më të rëndë të mbajtur në trup.
“Hulku” ka thyer rekordin paraprak prej 1530 kg, duke arritur të mbajë në trup peshën prej 1531 kilogramësh.
I gjithë organizmi i këtij eventi u bë nën patronazhin e kryetarit të komunës së Vushtrrisë Ferit Idrizit.
Idrizi me këtë rast u shpreh se janë të nderuar që po organizojnë këtë ngjarje të rëndësishme, me c’rast ka uruar që Muli të bëhet peshëngritësi më i madh në botë.
“Për të ndjekur këtë ngjarje jashtëzakonisht të rëndësishme, ne si komunë jemi tejet të nderuar që organizohet këtu kjo garë për të thyer rekordin e Guiness për të mbajtur peshën prej 1531 kg”.
“Unë i uroj shumë suksese Bujarit, Hulku i Kosovës të bëhet peshëngritësi më i madh në botë “, tha Idrizi.
Visar Muli, familjar i “Hulkut të Kosovës”, ka falënderua të gjithë për përkrahjen, në veçanti trajnerët për punën e palodhshme.
“Në emër të familjes Muli dëshiroj të i’u falënderoj në përkrahjen për Bujar Mulin në sfidën e tij jetësore. Falënderoj trajnerët e Bujarit të cilët e përkrahën në këtë rrugëtim”.
