Gjilan: Pensionohet Hanumshahe Rexhepaj, zyrtare për të drejtat e fëmijëve
Pas një pune të gjatë për vite të tëra, e të klarakterizuar me sfida, suksese e peripeci, si dhe me kontribut të jashtëzakonshëm gjatë kësaj periudhe, në administratën komunale në Gjilan, këtë të hënë është pensionuar zyrtarja për të drejtat e fëmijëve, zonja Hanumshahe Rexhepaj.
Ajo gjatë punës së saj ka dhënë kontribut të çmueshëm në mbrojtjen, avancimin dhe përmirësimin e të drejtave të fëmijëve, sic mund të shihet edhe në vlerësimin nga kolegët që i aknë bërë me rastin e ceremonisë së pensionimit.
Ata kanë potencuar tërë kontributin ndër vite e dekada të znj. Hanumshahe Rexhepaj, ndërsa Ardian Foniqi, në emër të personelit ia ka dhuruar mirënjohjen e akorduar në shenjë vlerësimi për kontributin shumëvjeçar.
“Për nder të pensionimit të zyrtares për të drejtat e fëmijëve, bashkë me kolegë, në emër të kryetarit të komunës së Gjilanit, Alban S. Hyseni, ndamë mirënjohje për znj. Hanumshahe Rexhepaj dhe e falenderuam për punën e angazhimin shumëvjeçar në institucionin komunal”, thuhet në njoftim, duke i uruar e dëshiruar pensionim të shëndetshëm së bashku me familje.
